मुंबईतील फेमस ‘मुच्छड पानवाला’च्या दुकानावर पोलिसांची धाड; सापडलं भलंमोठं घबाड

 

Mucchad Paanwala

मायानगरातील प्रसिद्ध मुच्छड़ पानवाला दुकानाचा मालक शिवकुमार तिवारी उर्फ ​​शिवा पंडित याला पोलिसांनी अटक केली आहे. मुंबई क्राईम ब्रँचच्या अँटी-नॉर्कोटिक्स सेलने खेतवाडी येथील मुच्छड़ पानवाला यांच्या दुकानावर छापा टाकला होता, तेथून काही ई-सिगारेट मिळाल्या होत्या.

या ई-सिगारेटवर बंदी असल्याने पोलिसांनी चौकशी केली आणि गोदामाची माहिती मिळवली, एएनसीच्या पथकाने जाऊन सुमारे 15 लाख रुपयांच्या ई-सिगारेट जप्त केल्या आहे. ही माहिती देताना पोलीस अधिकाऱ्याने सांगितले की, एका गुप्त माहितीच्या आधारे मुंबई गुन्हे शाखेच्या अंमली पदार्थ विरोधी सेलच्या (एएनसी) पथकाने शहरातील शाळा, महाविद्यालये आणि रुग्णालयांजवळील ई-सिगारेट विक्री करणाऱ्या पान दुकानांवर छापे टाकले.

मंगळवार आणि बुधवारी मध्यरात्री ही मोहीम राबविण्यात आली. यावेळी 15 लाखांहून अधिक किमतीच्या एकूण 947 ई-सिगारेट जप्त करण्यात आल्या. अधिकाऱ्याने सांगितले की, ANC ने प्रतिबंधित ई-सिगारेट विक्रीशी संबंधित चार गुन्हे दाखल केले आहेत, दक्षिण मुंबईत दोन आणि मध्य मुंबई आणि पश्चिम उपनगरात प्रत्येकी एक एक.

दक्षिण मुंबईत खेतवाडी परिसरातील मुच्छड़ पानवाला दुकानाच्या मालकावर गुन्हा केला दाखल असून पुढील कारवाईसाठी त्याला व्हीपी रोड पोलिसांच्या ताब्यात देण्यात आल्याचे त्यांनी सांगितले. मुच्छड़ पानवाला हे मुंबईतील एक प्रसिद्ध पान शॉप आहे, जिथे अनेक बॉलिवूड सेलिब्रिटी आणि प्रसिद्ध उद्योगपती देखील पान खायला येतात.

या दुकानाच्या प्रसिद्धीचा अंदाज तुम्ही यावरूनही लावू शकता की, या दुकानाने स्वतःची वेबसाइटही ठेवली आहे, जिथे ते पानसाठी ऑनलाइन ऑर्डर देखील घेतात. तसे, काही महिन्यांपूर्वी एनसीबीने मुच्छड़ पानवाला दुकानावरही छापा टाकून शिवकुमार तिवारीला अटक केली होती.

मुंबई पोलिसांनी शहरातील पानवाल्यांविरुद्ध सर्वतोपरी कारवाई सुरू केली आणि 14 ते 15 तारखेदरम्यान एकूण 4 गुन्हे दाखल केले. यामध्ये 16 जणांना आरोपी करण्यात आले असून 10 जणांना अटक करण्यात आली असून 6 जण फरार आहेत. त्यांच्याकडून 13 लाख 65 हजार 200 रुपये किमतीच्या 947 ई सिगारेट, 699 हुक्क्याची पाकिटे, 15 लाख 80 हजार कोकेन आणि एमडी ड्रग्जही जप्त करण्यात आले आहेत.